„Вината“ слободно фрлете ја на гените.
Група британски научници го откриле генот кој влијае на будењето во доцните претпладневни часови, откако ги испитала навиките врзани со спиење на повеќе од 10.000 европејци, објави BBC.
Истражувањето покажало дека носителите на генот ABCC9, кој влијае на нивото на енергијата на клетките во организмот, имаат потреба да спијат 30 минути подолго од оние кои го немаат.
Научниците го спровеле истото истражување на винските мушички кои, исто така, можат да го имат тој ген, а тие резултати го покажале истото: оние мушички кои немаат ген ABCC9 спијат во просек три часа помалку од оние кои го имаат.
