Физичарите кои ги финансира Pentagon објавиле дека развиле систем на „привремена невидливост“ благодарение на кој предметот за делче од секундата може да биде целосно незабележан.

Експерименталното истражување засновано е на познатата „невидлива наметка“ која ја популаризираше херојот од романите Хари Потер.

Новиот метод овозможува, наместо предметот да настојува да се сокрие во просторот, да се скрие од окото, покажаа резултатите од истражувањето објавени во британското списание Nature.

„Нашите резултати претставуваат важен потег во создавање на целосна просторно-временска наметка“, рече водителот на истражувањето Моти Фридман од њујоршкиот универзитет Корнел.

Физичарите го искористиле фактот дека различните бои кои го сочинуваат видливиот дел од спектарот светлина се движат со незнајно различни брзини. „Привремената“ невидливост на наметката почнува со дифузија на зраците на зеленото светло во оптичкиот кабел. Тој зрак го дели објективот на две фреквенции: сино светло кое се движи малку побрзо од првобитното зелено и црвено светло кое се движи малку поспоро. Разликата во брзините меѓу тие два зрака се зголемува со поставувањето на проѕирна препрека. На тој начин настанува некој вид „заостанување“ меѓу црвените и сините зраци, кое се зголемува со нивно повторно „спојување“ на ист начин.

Тоа засега трае само 50 пикосекунди, но доволно е е за делот светлина да остане потполно незабележан.

Следниот чекор на кој се подготвуваат научниците е на кој начин доволно да го продолжат времето на маскирање на настанот.