Небото над Плутон е сино, а на одредени места има и вода во смрзната состојба...



„Кој би можел да претпостави дека небото би можело да биде сино во Којперовиот појас? Величествено е!“, рекол Алан Стерн, шефот на мисијата на “Нови Хоризонти”.



Црвените и сивите честички што ја сочинуваат маглата околу малата планета се доволно мали за сината светлост од сонцето да се шири на истиот начин како и кај нашето небо. Тие честички настануваат кога под влијание на ултравиолетовите зраци на сонцето ќе дојде до разделување на азотот и метанот, кои со повторно спојување формираат комплексни макромолекули, коишто се одговорни за доминантната црвена боја на површината на Плутон.



Споменатите молекули најверојатно се формираат во високата атмосфера на Плутон, создавајќи блескава сина боја, велат од НАСА.