Египетската полиција упаднала денес во џамијата во Каиро и извадила неколку поддржувачи на поранешниот претседател Мохамед Мурси, кои се наоѓаат таму уште од петок, пишува АФП...

Припадниците на безбедносните сили упаднале во џамијата Fat, затоа што било пукано на нив од минаре, на што одговориле со фрлање на солзавец во џамијата.

Полицајците успеале да извлечат 7-8 мажи, а потоа ги нападнале лутите граѓани собрани пред џамијата, кои ги тепале со стапови и железни шипки.

Човек облечен во цивилна облека бил ранет од пукањето на полицијата.

Убиен е синот на лидерот на „Муслиманското братство“

Еден од синовите на врховниот верски лидер на Муслиманското братство, Бадија Мохамед, бил убиен во петокот во Каиро за време на протестот, наречен "Ден на гневот".

Амар Бадија (38) умрел од истрел за време на протестите на плоштадот Рамзез.



Не е познато каде се наоѓа неговиот татко Мохамед, кој е обвинет за предизвикување насилство, чие судење треба да започне на 25-ти август.

Кога египетските безбедносни сили на 14 Август отстранувале два протестни кампа на исламистички демонстранти во Каиро, избиле судири и тој ден речиси 600 луѓе ги загубиле своите животи.

Меѓу загинатите била и 17-годишната ќерка на еден од уапсените лидери на Муслиманското братство, Мохамед ел Белтаги, Асма ал Белтаги.

На вчерашните судири помеѓу демонстрантите и безбедносните сили загинале вкупно околу 100 луѓе.

Ситуацијата во Египет не се смирува уште од падот на Хосни Мубарак во 2011-та година. Една година подоцна на власт дојде Мохамед Мурси.

Според најновите податоци, вчера загинале вкупно 173 луѓе, а некои медиуми велат дека бил уапсен братот на лидерот на Ал Каеда, Ал Завахри.