За разлика од Египет, Австралија е најпожелното место за живот на светот. Резултат на тоа се анкетите спроведени меѓу 3.000 иселеници. На австралските волшебства не одолеваат ни словенците.

Земјата на кенгурите, коалите, одличното здравствено осигурување, тринаесетото стопанство на светот за многумина е - ветената земја! Во редот за вселување на државата-континент чекаат и многу словенци.

„Драстично зголемување, би кажал од 10 до 15 пати. Понекогаш добивавме еден повик на недела, а сега 3, 4, 5 повици на ден“, преку Скајп од Мелбурн рече австралискиот почесен конзул, Виктор Барага.

Од Словенија заминуваат лекари, медицински сестри, готвачи. Тоа е токму работна сила што недостига во Словенија. „Гаранцијата за наоѓање на работа во Словенија исто така не постои. Од друга страна, понудата за работи во Австралија е далку поширока“, вели Бого Бајец од Европската канцеларија за миграција.

Минатата година Словенија ја напуштиле речиси 4.000 луѓе. Стотина од нив одлетале на другиот крај на светот. „Тој просек се зголемува и дури оваа година се очекува вистинскиот бум“, додава Бајец.

Австралија од тронот на најпосакувана земја меѓу иселениците го собори и САД. Оваа година пресуди - австралискиот квалитет на живот.