Војвотката на Кембриџ, Кејт, му подари на својот сопруг - принцот Вилијам, момченце...

Кралското бебе се роди во добра здравствена состојба во 16.24 часот Лондонско време во лондонската болница "Сент Мери", се вели во официјалното соопштение на британската кралска прес служба.

Детето кое тежи 3,8 кг. и мајката се добро. Принцот Вилијам присуствувал на раѓањето, соопштуваат уште од палатата. Кралицата Елизабета Втора, нејзиниот сопруг Единбург војводата, велшкиот принц и Војвотката од Корнвел, принцот Хари и семејството на Кејт се информирани за среќниот настан. Малку по објавувањето на веста, црн автомобил со полициска придружба ја напушти болницата, а во неа патуваше агент со пораката што ја однесе до кралицата во Бакингамската палата, како што се бара од протоколот.

Пораката потпишана од кралските лекари, го покажува часот на раѓање на бебето, неговиот пол, и се става да стои на специален статив во Бакингемската палата - истиот, кој е користен при раѓањето на Вилијам. Името на бебето ќе се знае дури по неколку дена. Љубопитните Британци ќе треба да се помират со тоа, потсетувајќи се дека за да дознаете името на принцот Вилијам била потребна една недела, а на принцот Чарлс - еден месец.