Неколку стотици поддржувачи на исламистичкото движење „Муслиманско братство“ упаднале во зградата на владата во Каиро и запалиле пожар на нејзиниот влез, објавила државната телевизија...

Стотици исламисти протестираат во Александрија поради насилството на армијата против демонстрантите, поради што според најновите официјални податоци биле убиени 525 луѓе.

Во Александрија, вториот град по големина во Египет, исламистите организирале протестен митинг.

„Ќе се вратиме поради нашите маченици“, извикувале демонстрантите, напоменувајќи ги жртвите на вчерашното насилство, кој настанало по насилното разбивање на протестниот камп во Каиро од страна на војската. Демонстрантите бараат да се врати на власт на соборениот претседател Мохамед Мурси.

Многу демонстранти во Александрија носат слики од Мурси, кој е соборен од власт на 3 јули после улични протести.

Египетското исламистичко движење, „Муслиманското братство“ претходно најавило дека ќе го сузбие "воениот удар" во земјата и ќе продолжи со мирните протести, а за денес се планирал нов собир.

Во меѓувреме, египетските судски органи го продолжиле притворот на Мурси за уште 30 дена.