САД и Русија постигнаа договор за контрола на сириското хемиско оружје, кој предвидува дека до следната година треба да биде целосно уништено, изјавиле министрите за надворешни работи на двете земји, Џон Кери и Сергеј Лавров, на заедничката прес-конференција во Женева...

Државниот секретар на САД, Кери, по разговорите со рускиот министер за надворешни работи, Лавров, изјавил дека светот сега очекува режимот на сирискиот претседател Башар Асад да го исполни јавното ветување, пишува агенцијата Ројтерс.

Лавров изјавил дека телото на ОН за контрола на хемиско оружје мора најпрво да го одобри американско-рускиот предлог, по што ќе се воспостават временски рамки за уништување на сириското хемиско оружје. Според неговите зборови, предложениот договор не содржи ништо што би значело употреба на сила.