Двајца членови на ултра-десничарската партија Златна зора биле убиени на почетокот на овој месец во атинското предградие на Нео Ираклио...



На снимка од безбедносна камера, која се појавила на интернет, може да се видат како убијците ладнокрвно пукаат во телото и главите на жртвите.

Видеото прикажува како четворица стојат и зборуваат на улица и по само кратко време настанува караница и двајца млади луѓе бегаат од тоа место. Во следниот миг, две неидентификувани лица со капи на главите им приоѓаат на двајцата ултра-десничари, испукаа неколку куршуми во стомакот на првата жртва, додека на другиот во близина од само неколку сантиметри му испука неколку куршуми во главата.

Младиот човек побегна во непозната насока, со еден соучесник, кој цело време стоел настрана и веројатно чувал стража.

Ладнокрвната ликвидација се случила на 1 ноември, а грчката полиција веднаш започнала со истрага. Сторителите се се уште на слобода.

Пукањето следувало по неколку недели откако било подигнато обвинение против шест пратеници во грчкиот парламент од редовите на „Златна зора“, поради нивно вклучување во "криминална организација", како дел од пресметката против ултра-десничарите, веднаш по убиството на анти-фашистичкиот активист и рапер, Павлос Фисаса (34).