Актерот Пол Вокер трагично го загуби животот во сообраќајна несреќа, беше исклучително популарен актер...



Несреќата се случила во Валенсија, Калифорнија, а според најновите информации Вокер бил на совозачкото место.

Судбината понекогаш навистина исппишува неверојатно приказни, а таква е и оваа, за жал. Популарниот актер е роден на 12 септември 1973 година во Глендејл, Калифорнија.

Аме Ван Иден, портпаролот на покојниот Вокер, потврдил дека несреќата се случила во сабота попладне. Вокер седел на совозачкото место во автомобилот на негов пријател. Црвеното Порше во кое бил Вокер, прво се судрило со автомобил, а потоа удрил во уличен светлосен столб и се запалил. Двете лица што се наоѓале во возилото, биле прогласени за мртви откако пристигнала полицијата.



Покојниот Вокер во моментов работел на седмото продолжение на „Брзи и бесни“, а трагичната смрт го стигнала токму во автомобилот. Причината за несреќата се уште се истражува, така што не е познато дали несреќата била поради прекумерна брзина или нешто друго, според изјавата на локалниот шериф Ким Манат. Од студиото Universal Pictures ја потврдиле трагичната вест и испратиле порака во која напишале: "На сите во Universal ни е скршено срцето, Пол беше навистина еден од најсаканите и најпочитуваните актери, беше наш член во последните 14 години, а ова губење не уништи".