Најкритичната ситуација моментално е на територијата на Колубарскиот и Мачванскиот округ...



Поради обилните врнежи припадниците на пожарникарско-спасувачките единици досега евакуирале 274 лица, соопшува Министерството за внатрешни работи на Србија.

Водостојот на повеќе реки во Србија денес се над границата од редовната одбрана од поплави, со тенденција за понатамошен раст. Ситуацијата засега е најлоша во Ваљево.



Евакуациајата се однесува најмногу на мајки со деца до 15 години, трудници, болни лица, лица со посебни потреби и лица постари од 65 години.

Во Параќино е затворен патот Г. Мутница - М5. Во Давидовец кај Параќино се поплавени дворови, реката Грза расте со голема брзина, а на сите регионални патишта има големи количини на вода, па затоа возењето е значително отежнато.



Како што е соопштено, во 11 села се закануваат големи поплави, поради што се организирани непрекинати дежурства, а на неколку места денес е прекината и настава во школи, затоа што децата не можат да преминат преку реките и потоците.

На територијата на Србија се загрозени 322 стамбени објекти, а поплавени се 287.