Жената за која најверојатно не знаете ништо, станала најмладата милијардерка на светот...



Дел од своето богатство го спечалила со сопствен труд и работа, следејќи ги стапките на Стив Џобс, Бил Гејтс, Лери и Сергеј од Google, Марк Цукерберг и други.

Холмс во 2003 година ја основала компанијата „Theranos“, која има мисија да овозможи „ефикасни информации достапни за сите во најважното време“. Со други зборови Theranos се занимава со дијагностицирање, односно тестирање на крв, со што полека но сигурно ги заменува услугите кои моментално на пазарот ги нудат гигантите како што се „Laboratory Corp. of America“ и „Quest Diagnostics“.

„Убедени сме дека пристапот до информациите за здравјето во реално време се основно човеково право и основно граѓанско право“, вели Холмс.

Неодамна компанијата добила инвестиција од 400 милиони долари, што ја подигнува вредноста на компанијата на 9 милијарди долари, а со оглед на тоа што Холмс држи над 50% од уделите во компанијата, нејзината нето вредност изнесува 4.5 милијарди долари. Во оваа компанија вложиле „Draper Fisher Jurvetson“, „ATA Ventures“ и Лери Елисон, шефот на „Oracle“.

Иако има одлична финансиска основа, „Tehranos“ е се уште мала компанија со 21 лабораторија сместена во клиниките на Волгрин, но како што се најавува пристигнуваат и нови лаборатории.

Холмс ја основала компанијата во Пало Алто со пари кои биле наменети за нејзиното високо образование, факултет, кое никогаш не го завршила. Со оглед на тоа што „Theranos“ се флексибилни и брзи, имаат и многу ниски цени, со што компанијата сака да ги подобри услугите за пациентите, а очигледно е дека со овие дела, многу нешта ќе се променат во здравствената индустрија.

Целата приказна можете да ја прочитате на овој линк.