10-годишниот Кинез со нож го пресекол безбедносното јаже на работник што работел на висина...



Работникот висел половина час на 30 метри височина над земјата, пишува „USA Today“.

Работникот Лиу раскажал дека причината за оваа постапка на детето е веројатно бучавата што ја предизвикувал кога го инсталирал осветлувањето, што му пречело на детето во гледањето на цртани филмови.



„Му велев да престане да го сече јажето, но не ме слушаше и го пресече. Тогаш ги повикав колегите да ми помогнат. Мислев дека сигурно ќе паднам, а детето само стоеше и ме гледаше“, рекол Лиу, кој цели 40 минути се држел за јажето.



На крај пристигнале пожарникарите и го повлекле Лиу во зградата преку терасата на осми спрат. Детето подоцна признало дека го исекло јажето и му се извинило на работникот. Неговиот татко Танг Пенг рекол дека и тој му се извинил на работникот и му купил ново безбедносно јаже.



Танг Пенг го казнил синот и го натерал да вети дека никогаш повеќе нема да прави такви нешта.

„Мислам дека треба да го одведеме на психолог“, изјавил таткото на детето.