Новиот земјотрес со јачина од 6 степени според Рихтеровата скала го погоди Еквадор утринава...



Тоа е 5 дена после разорниот потрес во кој загинале 587 луѓе според најновите податоци, додека 5.733 се повредени. Во моментов нема извештај дали во најновиот потрес има повредени и колкава штета е нанесена.

Се уште нема предупредување за цунами. Претседателот на Еквадор Рафаел Кореа на Твитер објави дека се регистрирани три нови земјотреси и им порача на граѓаните да бидат силни. Во разорниот земјотрес 23.500 луѓе останаа без домови.

„Знам дека сега сме во најтешката фаза, но тоа е само почеток“, рекол Кореа.