Скопје го задрмаа повеќе земјотреси со умерена јачина и предизвикаа паника кај граѓаните...



Од страв многу скопјани ја поминале ноќта под отворено небо. Најсилниот земјотрес во Скопје беше со магнитуда од 5.3 степени според Рихтеровата скала.

Првиот слаб земјотрес се случил рано утрото во неделата, а најсилниот попладне. По него следувале уште неколку потреси со послаб интензитет. За среќа нема повредени од земјотресите, но многу биле повредени поради панично излегување од своите домови.

Според официјалните податоци 30 луѓе побарале лекарска помош, од кои тројца се задржани на болничко лекување. Според Сеизмолошката опсерваторија после главниот земјотрес имало уште 10 помали потреси. Само мала материјална штета е пријавена на некои постари згради. Епицентарот на потресите бил во околината на Скопје, кое важи за трусно подрачје. Катастрофалниот земјотрес во 1963 година го срамни градот со земја и однесе 1.000 човечки животи.