Францускиот алпинист, познат под прекарот Спајдермен, бил уапсен откако без никаква заштита се искачил на зграда висока 57 спрата...

Ален Роберт светската слава ја стекнал од качување по највисоките згради во светот без заштитни јажиња, односно без никаква алпинистичка опрема, пишува APTN. Потпирајќи се на силата на своите раце, и посебно дизајнираните чевли и ташни со магнезиум, успеал да се искачи на зграда во Сиднеј висока 57 спрата, по што завршил во рацете на полицијата.

Спајдермен се искачил пред толпата љубопитни луѓе за само 20 минути. Минатата година направил слично сценарио, тогаш Спајдермен бил казнет со 750 долари, бидејќи се искачил на 41-от спрат од зградата Royal Bank во Сиднеј. Славниот авантурист досега се искачил на 70 највисоки згради во светот, вклучувајќи ги Empire State Building, Sears Tower и Petronas Towers во Kuala Lumpur.

Својот талент го открил кога имал 12 години кога го заборавил клучот од станот, и се искачил до осмиот спрат за да влезе преку прозорецот.