Небахат Чехре има 71 година, кај која не се препознаваат тешкиот живот и староста...



Помладите колешки може, народски кажано, вода да и носат на Небахат, која се уште изгледа заносно. Веруваме дека ја препознавте, таа беше достоинствената мајка на султанот во серијата „Величествениот Сулејман“.



Турската актерка глумела во многу серии, но оваа станала најпозната од сите досегашни. Небахат имала многу тежок живот и ретко кој го поминал тоа што таа го доживеала.

„Рано останав без татко и бев многу срамежлива, повлечена, можам да кажам дека бев дури и исплашено девојче“, вели Небахат.



Таа го памети својот татко, Изет Чехре, адвокат со грузиско потекло, кој починал кога имала само 4 годинки. Веднаш после смртта на татко и, се преселиле со мајка си во Истанбул и тешко го поднела новиот брак на својата мајка.

Небахат егзистира уште од своите 15 години во светот на шоу бизнисот и тоа победила на натпревар за Мис на Турција. Овој натпревар и дал самодоверба.

„Дотогаш не се сметав за убава и привлечна. Таа победа ме шокира во позитивна смисла“, рекла таа.