Не е чудно што сите сакаат да ја знаат љубовната тајна на актерката Голди Хон и Курт Расел, која трае веќе над 3 децении. Двајцата се во врска веќе 34 години, што е вистинска вечност за холивудските поими. Кога ја прашале актерката што е тајната на нивната долговечност, таа спремно одговорила: „Одамна ќе се разведев доколку некогаш се омажев за Курт“.
„Бракот е интересна психолошка работа. Ако сакаш да бидеш со некој, важно е да се омажиш за него. Ако имаш независност, ако имаш доволно свои пари и ја сакаш својата независност, тогаш постои некоја психолошка предност што не сте омажени. Таа ви дава слобода да одлучувате. За мене, јас одлучив да останам во врска, Курт одлучи да биде со мене и ние ја сакаме својата одлука“, објаснува Голди.
