Англија | Фудбалската Асоцијација на Англија му ја одзема капитенската лента на Џон Тери поради обвинувањата за расна навреда на фудбалерот на КПР, Антон Фердинанд....
Фудбалската Асоцијација на Англија по втор пат му ја одзема капитенската лента на Џон Тери, овој пат поради расна навреда кон Антон Фердинанд.
Иако судењето беше закажано по завршувањето на Европското првенство, Фудбалската Асоцијација одлучи Џон Тери да не биде капитен на Англија.
Селекторот, Фабио Капело нема влијание на одлуката, тој претходно изјави дека Тери ќе биде капитен се додека не се докаже дека е виновен, но ФА одлучи поинаку.
Џон Тери ги отфрли сите обвиненија за расизам, но се чини дека ФА предвреме го осуди капитенот на Челзи.
"Бордот на ФА очекуваше случајот да биде решен пред почетокот на Европското првенство. Но откако во средата беше потврдено дека тој ќе се разгледува по завршување на турнирот, Бордот одлучи дека во интерес на сите страни е Џон да не биде капитен во овој период" - стои во соопштението на ФА.
ФА со овој потег ризикува да ја наруши атмосферата во репрезентацијата пред нов голем турнир.
Powered by: 24 FUDBAL.com.mk
