Англија | Англискиот магазин Sun пишува дека Жозе Мурињо е подготвен за спектакуларно враќање во Челзи...

Иако се чини дека позицијата на Жозе Мурињо во Реал Мадрид е сигурна и Португалецот одлично си ја извршува работата во кралскиот клуб, англиските медиуми не престануваат да пишуваат за можното негово враќање во Премиер лигата.
 
"Жозе би се вратил во Челзи" - изјави извор близок до Мурињо за Sun.
 
Но, овој пат Мурињо би се вратил само под услов Роман Абрамович да му дозволи тотална контрола врз тимот, и да не му се меша во работата.
 
"Мурињо знае дека работите сега во Челзи не се најдобри. Исто така знае дека ќе биде тешко да го направи истиот успех како претходно" - вели изворот.
 
"Освојување на две титули во Премиер лигата во неговите две први сезони во клубот кој на круната чекаше 50 години, беше неверојатно. Затоа сеуште е сакан од фановите и затоа тој сеуште го сака клубот. Тоа беа посебни денови".
 
"Но пред да се постигне договор тој би сакал работите да бидат многу чисти помеѓу него и Роман Абрамович".
 
"Тој би му рекол 'Роман ти си сопственикот и јас сум шефот тука. Ајде да работиме заедно и силата е во наши раце".
 
"За Жозе тоа би било перфектно партнерство".
 
По заминувањето на Жозе Мурињо, Роман Абрамович се мачи да го пронајде вистинскиот предводник на тимот.
 
Аврам Грант, Сколари, Хидинк, Анчелоти и сега Вилаш Боаш се менаџерите кои го водеа Челзи, но Русинот знае дека отпуштањето на Жозе Мурињо беше неговата голема грешка.

Powered by: 24 FUDBAL.com.mk