Англија | Роберто Манчини не ја отфрла можноста Карлос Тевез одново да заигра за Манчестер Сити до крајот на оваа сезона...

Аргентинскиот репрезентативец нема настап за Сити од септември, кога имаше недоразбирања со Роберто Манчини на гостувањето кај Баерн Минхен во Лигата на Шампионите.
 
Се очекуваше Карлос Тевез да замине од Етихад Стадионот во зимскиот преоден рок, но не беше постигнат договор за негов трансфер и покрај тоа што интерес пројавија екипи како Милан, Интер и ПСЖ.
 
Откако заврши јануарскиот трансфер пазар, на големо изненадување, ’Граѓаните’ решија да го вметнат напаѓачот во списокот од 25 фудбалери што беше испратен до Премиерлигата.
 
И покрај тоа што Тевез сеуште е во родната Аргентина, каде што замина без дозвола на Сити, Роберто Манчини ја отвара вратата за враќање на фудбалерот во неговиот состав.
 
“Во овој момент Карлос не е опција за мене, но доколку се врати, би можел да го употребам” – рече менаџерот на ’Граѓаните’.
 
“Се надевам дека тренирал во последните три месеци со цел да го задржи фитнесот.“
 
“Само една работа е во моите мисли, Премиерлигата. Но доколку се врати, и биде фит, би можел да сметам на неговите услуги.”

Powered by: 24 FUDBAL.com.mk