Англија | Дејвид Бекам вели дека неговата фамилија била причината поради која одбил преселба во ПСЖ...

Ѕвездата на англискиот фудбал, Дејвид Бекам одби атрактивна понуда од ПСЖ каде што тренер е Карло Анчелоти.
 
Бекам потпиша нов две годишен договор со ЛА Галакси и вели дека тоа го направил поради желбата на неговата фамилија да не го менува местото на живеење.
 
"Среќен сум, бев успешен секаде каде што играв" - изјави Бекам за Gazzetta dello Sport.
 
"Ја освоив титулата во МЛС минатата сезона па го комплетирав моето искуство со ЛА Галакси".
 
"Но мојата фамилија преферираше да останеме во Калифорнија, па тоа беше најлогичното решение, посебно за децата. Добро ни е во Лос Анџелес".
 
Додека беше фудбалер на ЛА Галакси, Бекам во два наврати се врати во Европа и го носеше дресот на Милан.
 
"Секој ден мислам на Милан, поминав преубаво време таму. Во Милан се чувствував како во Манчестер Јунајтед. Ми недостасува Милан и Италија".
 
"Милан може да го освои Скудетото оваа сезона и се надевам дека ќе го направи тоа".
 
"Во Лигата на Шампионите, не би можел да навивам за Арсенал, иако имам голема почит за тој клуб".
 
"Уверен сум дека Милан ќе продолжи понатаму".

Powered by: 24 FUDBAL.com.mk