Англија | Селекторот на Англија, Фабио Капело не се согласува со одлуката на ФА да му ја одземе капитенската лента на Џон Тери...

Фабио Капело ризикува да го навлече бесот на неговите претпоставени откако јавно ги искритикува за одлуката да му ја одземат капитенската лента на Џон Тери.
 
И покрај тоа што уште не е прогласен за виновен, ФА донесе скандалозна одлука да му ја одземе капитенската лента на Тери, одлука која наиде на многу негативни коментари од фудбалските работници.
 
Капело во интервју со Rai 1, јавно му даде поддршка на Тери и ја искритикува одлуката на ФА.
 
"Во целост не се согласувам со ФА за одлуката за Тери, му го кажав тоа и на претседателот" - изјави Капело.
 
"Судот ќе одлучи. Тоа ќе биде цивилна пресуда, не спортска, се додека не се докаже дека Џон Тери го направил тоа дело, тој не може да биде осуден".
 
"Го гледав него како капитен и сеуште го гледам Тери како капитен на Англија. Мислам дека прво треба да ја почекаме одлуката на судот".

Powered by: 24 FUDBAL.com.mk