Англија | Манчестер Јунајтед потврди дека постигнале договор со Ајакс за трансфер на холандскиот дефанзивец, Делеј Блинд...
Според англиските медиуми, Манчестер Јунајтед за овој трансфер ќе плати 14 милиони фунти, ова е нивно петто засилување во летниот преоден рок.
„Манчестер Јунајтед постигна договор со Ајакс за ангажман на Делеј Блинд, останува фудбалерот да ги помине медицинските тестови и да ги договори личните услови" - стои во соопштението на Јунајтед.
Блинд во Ајакс настапува на позицијата дефанзивен фудбал за врска, но Луи ван Гал во холандската репрезентација го користеше како лев бек кој оперира по целата страна и лев централен дефанзивец.
Претходно Манчестер Јунајтед ги ангажираше Анхел Ди Марија, Маркос Рохо, Лук Шо и Андер Ерера.
Извор: 24FUDBAL.com.mk
