Шпанија | Реал Сосиедад му одржа лекција на европскиот шампион победувајќи го со 4-2, Барселона славеше минимален триумф на гостувањето кај Виљареал...



Тимот на Анчелоти одигра лош натпревар на гостувањето кај Реал Сосиедад, успеа да прокоцка водство од два разлика.
 
Реал Мадрид започна фуриозно и по само 11 минути имаше водство од 2-0 со головите на Рамос и Бејл.
 
Во тие моменти се чинеше дека само прашање е со колку разлика ќе победат Кралевите, но така не мислеше и домаќинот.
 
До крајот на првото полувреме преку Мартинез и Зурутуза успеа да го изедначи резултатот, а во вториот дел да погоди уште два пати и да дојде до триумф од 4-2.
 
Барселона со гол на младиот Рамирез во 82. минута дојде до победа на тешкото гостување кај Виљареал.
 
Елче и Гранада ги поделија бодовите играјќи 1-1, нашиот Столе Димитриевски не беше во составот на гостите.
 
Нерешено заврши и дуелот помеѓу Депортиво и Рајо Ваљекано, 2-2.

Извор: 24FUDBAL.com.mk