Останато | Првиот човек на УЕФА, Мишел Платини сака да воведе неколку нови правила во фудбалот меѓу кои бел картон и пет замени, предлози за иновации има и од ФИФА кои имаат идеја за портокалов картон...



Во книгата „Зборуваме за фудбалот" која денеска беше промовирана, Платини ги изнесува своите идеи за промени во фудбалските правила.
 
Првиот човек на УЕФА сака да воведе бел картон кој би бил покажан за вербален напад кон судијата или неспортско однесување. Казната за фудбалерот би била десет минути надвор.
 
Платени предлага и дополнителни две замени, еден тим ќе има право на вкупно пет измени на фудбалери во текот на натпреварот, но две од нив ќе може да ги изврши само на полувремето.
 
Се размислува и за укинување на ограничувањето на возраста за судиите, па компетентноста и физичката подготвеност да биде единствениот услов за избор на арбитри. Се предлага и стартот на последниот играч во одбраната наместо со црвен да се казнува со жолт картон.
 
Идеи за промени на фудбалските правила има и од ФИФА кој сакаат воведување на портокалов картон, кој би се доделувал после жолтиот картон и би значел суспензија од три до пет минути. Пример доколку еден играч има добиено жолт картон, го соблече дресот при прослава на гол, наместо втор жолт и црвен, да добие портокалов картон.
 
Останува да видиме дали некоја од овие идеи ќе се примени и на дело со оглед на тоа дека фудбалот важи за конзервативна игра која многу ретко ги менува правилата. 

Извор: 24FUDBAL.com.mk