Германија | Карл Хајнц Румениге вели дека ’Баварците’ мора да реагираат доколку топ фудбалер од Германија е достапен за трансфер...



Генералниот извршен директор на Баерн Минхен во август го навлече гневот на Борусија Дортмунд откако откри дека во 2015 ќе се активира откупна клаузула во договорот на Марко Ројс, и ѕвездата на ’Милионерите’ ќе биде достапна за само 25 милиони евра.
 
Карл Хајнц Румениге сега одново говори на оваа тема, во разговор со Sport1, тој вели дека ’Баварците’ мораат да реагираат доколку топ фудбалер од Германија е достапен за трансфер.
 
„Доколку репрезентативец на Германија има откупна клаузула и неговиот договор истекува, Баерн е обврзан да размисли за негов ангажман” – вели Румениге.
 
„Сите добро ја знаат откупната клаузула на Марко Ројс”.
 
„Дали ќе направиме нешто конкретно, во моментов не можам да кажам со точност. Интерно во клубот малку имаме разговарано на оваа тема”.
 
„Голем број на топ клубови од други земји сигурно ќе бидат заинтересирани за Марко Ројс”.
 
„Секако, Борусија Дортмунд ќе се обиде да го продолжи неговиот договор. Но на крајот, играчот е тој што одлучува за сопствената иднина”.

Извор: 24FUDBAL.com.mk