МЕНИ

Англија | Тјери Анри планира во иднина да заплива во менаџерските води, и сонува еден ден да седне на жешкото столче на ’Топџиите’...

Легендата на Арсенал и Франција вчера соопшти дека става крај на фудбалската кариера и потпиша мулти-милионски договор со телевизијата Sky каде во иднина ќе работи како стручен коментатор.

Сепак, Тјери Анри има повисоки амбиции и планира да се впушти во менаџерските води.

Тој исто така не крие дека посакува да се врати во Арсенал, и еден ден да седне на менаџерското столче на Емирати.

„Ќе ми се оствари сонот доколку станам менаџер на Арсенал, но тоа не е едноставно” – вели Анри во разговор со Telegraph.

„Најпрво треба да се докажете, треба да учите. Потребно е да разберете што значи тоа да бидете менаџер”.

„Дали можете да подучувате, дали можете да бидете трпелив? Сите овие проблеми”.

„Луѓето си мислат дека се менаџери на свој начин, но воопшто не е лесно”.

„Планот е да започнам да ги земам лиценците за тренер и претпоставувам дека Арсенал ќе ми помогне”.

„За да ги положите тестовите потребно е одблизу да работите со некој клуб, и би сакал да мислам дека во мојот случај тоа ќе биде Арсенал”.

„Не знам кога и дали ќе се случи, но сите знаат дека би сакал да се вратам во Арсенал еден ден”.