Италија | Тренерот на ’Нероаѕурите’, Роберто Манчини потврди дека посакува клубот во зимскиот преоден рок да се засили со Алесио Черчи и Лукас Леива...
Откако Роберто Манчини го превзеде кормилото на Интер, медиумите често шпекулираат за тоа кои се трансфер желбите на стратегот за зимскиот преоден рок.
По вчерашниот дуел со Лацио, предводникот на ’Нероаѕурите’ потврди дека сака да ги види Алесио Черчи и Лукас Леива на Џузепе Меаца.
„Дали Черчи е нашата примарна цел во јануари? Би можел да биде, но потребно е да почекаме со оглед на тоа дека во моментов тој е фудбалер на Атлетико Мадрид”.
„На неговата позиција ни недостасуваат играчи од топ класа”.
„Лукас Леива? Тешко е да се стигне до него, но секако дека може да ни биде од голема корист, има огромно искуство”.
Се говори дека Алесио Черчи веќе му дал зелено светло на претседателот на Интер, Ерик Тохир за реализација на зделката.
’Нероаѕурите’ сакаат да го донесат играчот на позајмица до крајот на сезоната со опција за перманентен трансфер.
Интер исто така сака на позајмица да го донесе и Лукас Леива, Бразилецот има ограничена минутажа во Ливерпул, но за неговите услуги интерес пројавува и Наполи.
Извор: 24FUDBAL.com.mk
