Англија | Менаџерот на Манчестер Јунајтед, Луј ван Гал ја отфрла можноста нови засилувања да пристигнат на Олд Трафорд до крајот на зимскиот преоден рок...
Се шпекулира дека ’Црвените Ѓаволи’ се обидуваат да ја засилат одбраната, Матс Хумелс од Борусиај Дортмунд и Ајмерик Лапорт од Атлетик Билбао се посочуваат како трансфер желби на Манчестер Јунајтед.
Сепак, зборувајќи на денешната прес конференција, Луј ван Гал ја отфрли можноста нови имиња да пристигнат на Олд Трафорд во последните денови од јануарскиот преоден рок.
„Секој ден читам дека пројавуваме интерес за одредени играч” – вели менаџерот на Манчестер Јунајтед. „Но тоа не е точно. Нема да ангажираме никого, може само да продадеме”.
„Пред две недели кажав дека само е можно некој да замине. Но вие никогаш не ми верувате”.
Ван Гал исто така потврди дека Дарен Флечер е блиску до преселба во Вест Хем.
„Во моментов, Дарен е во Вест Хем. Тој е мојот трет капитен и важна личност во соблекувалната”.
„Ми се допаѓа како човек и како играч, но не добива голема минутажа. Преферира да игра повеќе па затоа сакаме да му помогнеме и да му дозволиме да замине”.
„Ќе биде загуба за нас, но клубот што ќе го купи ќе добие квалитетен играч”.
Извор: 24FUDBAL.com.mk
