Англија | Тео Волкот негира дека имал жестока расправија со Арсен Венгер, и додава дека не се започнати преговорите за продолжување на договорот со Арсенал...
На почетокот од овој месец Арсен Венгер изјави дека Арсенал, поучен од минатитот пат, сега порано ги започнал преговорите со Тео Волкот за продолжување на соработката.
Минатата недела се појавија стории кои велеа дека иднината на играчот на Емирати Стадионот е под знак прашалник откако Тео Волкот побарал покачување на платата за да остане во северен Лондон.
Исто така се говореше дека преговорите предизвикале тензија помеѓу играчот и клубот која кулминирала со жестока расправија помеѓу Тео Волкот и Арсен Венгер.
Сепак, 26 годишниот репрезентативец на Англија, кој е обврзан кон ’Топџиите’ до 2016, ги демантира ваквите написи.
„Вообичаено не ги коментирам лажните стории, но написите за моите барања за нов договор, како и расправијата со Арсен Венгер се големи глупости” напиша Волкот на Твитер.
„Сеуште не се започнати преговори за продолжување на соработката, и во моментов мојот фокус е насочен кон Арсенал а не кон нов договор. Сакам само да го дадам максимумот за клубот”.
Извор: 24FUDBAL.com.mk
