МЕНИ

Англија | Менаџерот на Ливерпул, Брендан Роџерс вели дека напаѓачот Данил Стариџ би можел да ја пропушти завршницата од сезоната...

25 годишниот Англичанец се мачи со повредата на колкот и задната ложа и ги преседе последните три натпревари на ’Црвените’.

На денешната прес конференција, Брендан Роџерс соопшти дека Даниел Стариџ не е во комбинација ниту за утрешниот дуел со Хал Сити, а напаѓачот би можел да ги пропушти и последните натпервари од сезоната, со цел да биде 100 фит за следната сезона.

„Ова беше тешка година за Даниел” – вели менаџерот на Ливерпул. „Тој сака да работи напорно, да игра и да му помогне на тимот, но имаше многу проблеми оваа сезона”.

„Ќе ја следиме неговата ситуација од ден на ден. Даниел е добро момче и кога е фит, тој е брилијантен”.

„Потребно е да се грижиме за неговата долгорочна иднина. Ќе видиме дали ќе се опорави за завршницата од оваа сезона, или пак за подготовките за следната сезона”.

Ливерпул заостанува седум бода зад Манчестер Јунајтед во битката за топ четири пласман, и ова се навистина лоши вести за Брендан Роџерс.