Англија | Жозе Мурињо не е заинтересиран за мислењето што другите го имаат за неговиот тим, ’Специјалниот’ вели дека сите сакаат да бидат како Челзи...



Минатиот викенд на дуелот помеѓу Арсенал и Челзи, фановите на ’Топџиите’ скандираа ’здодевен, здодевен Челзи’, по што се крена голема дебата за тоа дали ’Сините’ се забавни за гледање.
 
По вчерашниот триумф над Лестер, со кој Челзи стигна на чекор до титулата, Жозе Мурињо уште еднаш во свој препознатлив стил се приклучи во дебатата.
 
„Феноменално е она што го прави овој тим” – рече менаџерот на Челзи. „Не е лесно да сте на врвот на табелата од првото коло”.
 
„Денеска игравме против тим кој е во одлична серија, со освоени 12 бода од четири натпревари, играше на домашен терен со голема самодоверба, и на полувреме водеше”.
 
„Да се вратите од гол негатива во второто полувреме и да играте онака како што играа моите момци е фантастично”.
 
„Од искуството во фудбалот знам дека треба да се грижам само за моите чувства. Знам што чуствувам за работата што ја завршивме изминативе две години”.
 
„Не ми се потребни признанијата од другите луѓе за она што го постигнавме”.
 
„Знам каде се наоѓаме. Сите тимови сакаат да бидат како Челзи”.

Извор: 24FUDBAL.com.mk