Германија | ’Милионерите’ соопштија дека Илкај Гундоган, кој е под договор до 30. јуни 2016, нема да ја продолжи верноста...



Репрезентативецот на Германија е на чекор до заминување од Сигнал Идуна Парк, Илкај Гундоган денеска ги известил лидерите на Борусија Дортмунд дека нема да стави потпис на нов договор.
 
Ваквата вест сигурно ќе ги алармира Манчестер Јунајтед и Баерн Минхен, кои во изминатите неколку недели пројавија сериозен интерес за услугите на фудбалерот од средниот ред.
 
Останува да се види дали Борусија Дортмунд ќе се обиде да заработи неколку десетици милиони евра од продажба на Илкај Гундоган ова лето, или пак играчот ќе замине како слободен агент по истекот на договорот во јуни 2016.
 
Медиумите шпекулираат дека ’Црвените Ѓаволи’ се подготвени да платат околу 30 милиони евра.

Извор: 24FUDBAL.com.mk