МЕНИ

Англија | Агентот на Марио Балотели, Мино Раиола вели дека напаѓачот дефинитивно ќе остане на Ендилд и следната сезона...

Репрезентативецот на ’Аѕурите’ се пресели во Мерсисајд во август 2014 во трансфер вреден 16 милиони фунти, и имаше катастрофална прва сезона во дресот на Ливерпул.

Марио Балотели постигна само еден гол во Премиерлигата, односно четири во сите натпреварувања.

Па затоа често се говори дека Италијанецот ќе замине, медиумите пишуваат дека Ливерпул дури е подготвен да претрпи финансиска загуба само за да се ослободи од популарниот ’Супер Марио’.

Сепак, според агентот на играчот, Марио Балотели ќе остане на Енфилд и следната сезона.

„Разговарав со лидерите на клубот, па можам да кажам дека Марио дефинитивно ќе остане” – рече Мино Раиола.

Менаџерот на ’Црвените’, Брендан Роџерс го критикуваше Марио Балотели за недоволното залагање како и неспособноста да се адаптира на барањата на тимот, но Мино Риола не се сложува со ова.

„Марио се адаптираше. Не можам да зборувам за Брендан, но мислам дека Марио се адаптираше”.

„Неколку пати разговарав со лидерите на клубот и тие беа задоволни од професионализмот на играчот”.

„Очигледно е дека Марио треба да ги подобри перформансите, и оптимист сум дека токму тоа ќе се случи во новата сезона”.