Шпанија | Тренерот на Барселона, Луис Енрике посакува да смета на услугите на Педро и во новата сезона, но потенцира дека играчот е тој што одлучува за сопствената иднина...



И покрај тоа што ова лето Педро стави потпис на нов договор, често се пишува за заминување на Шпанецот од Камп Ноу.
 
Минатата сезона Педро имаше мала минутажа, играчот не е задоволен од ваквиот статус па размислува за промена на средината.
 
Манчестер јунајтед пројавува сериозен интерес, се говори дека ’Црвените Ѓаволи’ веќе неколку недели водат преговори со Барселона и се блиску до постигнување согласност за трансфер вреден околу 30 милиони евра.
 
Луис Енрике сака да смета на Педро во новата сезона, но е свесен дека играчот е тој што го има последниот збор.
 
„За мене Педро е фудбалер од топ класа, и како тренер сакам тој да остане” – рече предвоникот на Барселона утрово на прес-конференција.
 
„Но тој одлучува за сопствената иднина”.
 
„Доколку некој сака да замине, ќе му дозволиме, но во моментов нема новости на овој фронт”.

Извор: 24FUDBAL.com.mk