Останато | Етичкиот Комитет при ФИФА потврди дека првиот човек на светската куќа на фудбалот, Сеп Блатер и првиот човек на европската куќа на фудбалот, Мишел Платини се суспендирани на 90 дена...



Медиумите од Англија, повикувајќи се на човек близок до Сеп Блатер, вчера пренесоа дека претседателот на ФИФА заедно со претседателот на УЕФА, Мишел Платини се суспендирани од страна на Етичкиот Комитет при светската куќа на фудбалот.
 
Попладнево пристигна и официјална потврда за ова, ФИФА соопшти дека Етичкиот Комитет на 90 дена ги суспендирал Сеп Блатер и Мишел Платини, со опција казната да биде продолжена за додатни 45 дена бидејќи двајцата се под истрага за корупција.
 
Иста казна доби и генералниот секретар на ФИФА, Жером Валке.
 
Светската куќа на фудбалот исто така соопшти дека поранешниот пот-претседател на ФИФА, Чунг Монг Џун е суспендиран на 6 години и ќе треба да плати глоба од 100 000 швајцарски франци.

Извор: 24FUDBAL.com.mk