Италија | Македонскиот фудбалер, Никола Јакимовски го одигра својот прв натпревар за Бари во крајно неизвесен меч со два пресврти во кој неговиот тим загуби од Кротоне во судиското продолжение...
Јакимовски беше стартер на натпреварот помеѓу Бари и Кротоне, македонскиот фудбалер ги одигра првите 45 минути во дресот на новиот тим и беше заменет на полувремето при водство на Кротоне од 1-0.
Во вториот дел домаќините направија комплетен пресврт, Бари поведе со погодоците на Маниеро и Де Лука и како одминуваше мечот се чинеше дека ќе освојат големи три бода.
Но, Кротоне најпрво изедначи преку Торомино во 84. минута, а во 92. Будимир погоди за нов пресврт на натпреварот, овој пат во корист на Кротоне кој си замина со трите бода.
Кротоне во моментов е лидер на табелата во Серија Б, а Бари е на четвртото место, но и двете екипи можат да паднат од своите позиции по денешните натпревари.
За тоа каков беше натпреварот доволно зборува изјавата на тренерот на Бари.
„Никогаш во мојата кариера не сум имал ваков натпревар и да го изгубам. Мислам дека заслуживме победа“ - изјави тренерот Андреа Камплоне.
Извор: 24FUDBAL.com.mk
