Германија | Германските медиуми го потсетија Матс Хумелс како реагираше кога Геце и Левандовски од Борусија Дортмунд направија трансфер во Баерн Минхен...



Матс Хумелс е продукт на школата на Баерн Минхен, но од 2008 година е во Борусија Дортмунд откако Баварците оценија дека не е доволно добар за нив.

Од следното лето Хумелс се враќа во Минхен, Борусија Дортмунд потврди дека фудбалерот побарал да биде продаден во германскиот шампион.

Но како реагираше тој кога Геце и Левандовски заминуваа од Дортмунд во Баерн.

„Не го разбирам тоа, сите сме изненадени, не верувам дека се работи за спортски причини. Супер се согласуваше со нас и баш сум изнервиран“ - изјави Хумелс кога Геце заминуваше во Баерн.

Уште поостар беше дефанзивецот кога Левандовски се реши на таков трансфер.

„Не ме интересира освојување на осум титули, повеќе сакам да работам некои други, специјални работи со Борусија Дортмунд. На Леви му посакувам среќа, но мене Баерн никогаш нема да ме има. Парите не се се во животот“ - изјави Хумелс за Левандовски.

Извор: 24FUDBAL.com.mk