Шпанија | Според пишувањата на Л’Екип, „Каталонците“ се во преговори со 29 годишниот Французин, Хатем Бен Арфа...

Барселона е во потрага на засилувања за офанзивниот дел од тимот, и медиумите го поврзуваат клубот од Камп Ноу со голем број на имиња.

Последните информации велат дека Барса го сака Хатем Бен Арфа од Ница.

29 годишниот Французин во дресот на Ница си ја врати кариерата на прав пат, оваа сезона има 17 погодоци зад своето име, од кои неколку прилично спектакулрани, па го привлече вниманието на голем број клубови.

Л’Екип пишува дека Хатем Бен Арфа изминатиов викенд отпатувал за Барселона каде во неделата имал средба со лидерите на „Каталонците“.

Хатем Бен Арфа важеше за еден од најталентираните играчи во Франција во својата генерација, но проблематичното однесување и лошата дисциплина придонесоа тој никогаш да не го достигне својот потенцијал.

Извор: 24FUDBAL.com.mk