Германија | Извршниот директор на Баерн Минхен, Карл Хајнц Румениге му порачува на Марио Геце да ја преиспита својата одлука за останување во тимот...



Пред само неколку дена Марио Геце го отпуши неговиот агент и преку својот фејсбук профил потврди дека сака и следната сезона да го носи дресот на Баерн Минхен.

Таквата негова реакција не им се допадна на фановите на Ливерпул кои се надеваат дека токму Геце ќе биде нивното големо засилување. Но, последните информации велат дека тоа сепак може да се случи.

Извршниот директор на Баерн Минхен, Карл Хајнц Румениге во интервју за Кикер, му порача на Геце дека треба да ја преиспита својата одлука доколку сака да поминува повеќе минути на теренот.

„Му кажавме јасно на Марио. Тој го знае мислењето на клубот, го знае и мислењето на Карло Анчелоти. Марио треба да размисли дали сака да има голема минутажа и да донесе одлука која ќе биде најдобра за него“ - изјави Румениге алудирајќи на тоа дека и следната сезона Геце би имал ограничена минутажа доколку остане во Баерн.

Сега на потег е Јирген Клоп кој треба да го убеди Марио Геце да се пресели кај него во Ливерпул.

Извор: 24FUDBAL.com.mk