Англија | Кристијано Роналдо ја отфрли можноста за враќање во Манчестер јунајтед, иако ја потенцираше љубовта кон англискиот клуб и желбата Мурињо да ги врати на врвот...
Кристијано Роналдо се надева дека Жозе Мурињо ќе ги врати славните денови на Олд Трафорд кои исчезнаа со пензионирањето на Сер Алекс Фергусон.
„Мислам дека потпишувањето со Мурињо е добро за Јунајтед. Клубот тоа го сакаше и мислам дека е добар потег“ - смета Кристијано Роналдо.
„Се надевам дека Манчестер јунајтед ќе се врати таму каде што беше бидејќи тоа е еден импресивен клуб но изминатите години го загуби идентитетот“.
„Ме боли кога го гледам таков Јунајтед бидејќи тоа е клуб кој го носам во срцето. Посакувам Мурињо да ги врати на врвот“.
И покрај големата љубов кон Манчестер јунајтед, Роналдо ја отфрли можноста за негово враќање.
„Во моментов сум среќен во Реал Мадрид и сакам да останам тука. Не гледам подобар клуб од Реал Мадрид. Сите други клубови можат да заборават на мене бидејќи Реал Мадрид е најдобриот“.
Извор: 24FUDBAL.com.mk
