Италија | Според италијанските медиуми, Рома ова лето ќе го продаде Миралем Пјаниќ и покрај нивниот став дека фудбалерот нема да замине од Олимпико...



Миралем Пјаниќ и Раџа Наинголан се двајцата фудбалери на Рома кои силно се поврзуваат со заминување од клубот.

Наинголан го одби Челси, но сега е мета на Манчестер јунајтед, додека фаворит за потписот на Пјаниќ е Јувентус.

Додека директорите на клубот велат дека немаат намера да го продадат Пјаниќ, Газета дело Спорт има поинакво сценарио.

Пјаниќ не сака да стави потпис на нов договор со Рома доколку не добие значително поголема плата, нешто што не можат да си го дозволат сопствениците на клубот.

Неговиот сегашен договор истекува во 2018, па Рома доколку сака да заработи од Пјаниќ ќе мора да го продаде ова лето бидејќи идното цената значително ќе му се намали.

Рома најпрво ќе се обиде да го продаде Пјаниќ надвор од Италија, но доколку тоа не се случи Јувентус ќе биде купувачот. Волчицата сака 35 милиони евра и некој од Симоне Заза, Роберто Переира и Квадво Асамоа.

Извор: 24FUDBAL.com.mk