ЕУРО 2016 | Капитенот на Англија, Вејн Руни признава дека поразoт од малиот Исланд е срамен, и додава дека сите се тажни и шокирани...



Англија го заврши настапот на ЕУРО 2016, откако вчера го доживеа еден од најтешките порази во својата историја, избраниците на Рој Хоџсон загубија во дуелот со најмалата нација која обезбедила настап на големо натпреварување.

„Тешко е да ја прифатиме елиминацијата” – вели капитенот Вејн Руни. „Поразот е срамен. Сите се тажни и шокирани”.

„Знаеме дека сме подобриот тим.  Но таков е фудбалот”.

„Очигледно вечерва го допревме дното, но мислам дека не можеме да правиме споредби со другите првенства”.

Запрашан дали можеби размислува за повлекување од репрезентацијата по ваквиот развој на настаните, напаѓачот одоговори: „Уживам во настапот за Англија и горд сум што го носам дресот на репрезентацијата”.

„Ќе видиме кој ќе биде новиот селектор. Доколку добијам повик, секако дека ќе бидам тука”.

Извор: 24FUDBAL.com.mk