Останато | УЕФА го прифати предизвикот на КОНМЕБОЛ за организирање натпревар помеѓу шампионот на Копа Америка и освојувачот на Европското првенство...
Првиот човек на КОНМЕБОЛ, Алехандро Домингез минатата недела соопшти дека испратил писмо до УЕФА со предлог за организирање натпревар помеѓу освојувачот на Копа Америка Сентенарио и ЕУРО 2016.
„Ја предизвикавме УЕФА на дуел помеѓу шампионот на Копа Америка и освојувачот на Европското Првенство” – рече Домингез на пресконференцијата во Њујорк.
Тој сега на социјалните мрежи пренесе дека европската куќа на фудбалот ја прифатила фрлената ракавица.
„Добивме позитивен одговор од УЕФА за дуелот помеѓу шампионот на Копа Америка и освојувачот на Европското првенство. Заедно ќе утврдиме датум кој ќе одговара на сите” – напиша Домингез на Твитер.
Чиле во понеделникот славеше над Аргентина по изведување на пенали, па пупларните „Ла Роха“ сега ќе го чекаат победникот на ЕУРО 2016, кој ќе биде познат на 10. јули.
Извор: 24FUDBAL.com.mk
