Шпанија | Шампионот на Шпанија, Барселона потврди дека е договорен трансферот на Андре Гомеш од Валенсија...



22 годишниот Португалец ова лето го привлече вниманието на неколку клубови помеѓу кои Барселона, Реал Мадрид, Манчестер јунајтед, ПСЖ и Јувентус.

Битката за потписот на Андре Гомеш на крајот ја доби Барселона, шампионот на Шпанија вечерва соопшти дека е договорен трансферот на фудбалерот од средниот ред.

„Барселона и Валенсија постигнаа договор за трансферот на Андре Гомеш. Играчот следната недела ќе стави потпис на договорот и ќе биде презентиран како нов фудбалер на Барселона” – гласеше известувањето.

„Каталонците” не открија детали од зделката, а според пишувањата на медиумите, Барса за услугите на Андре Гомеш ќе плати 50 милиони евра.

Извор: 24FUDBAL.com.mk