Англија | Најбрзиот човек на планетата, Јусеин Болт е задоволен од одлуката на Манчестер јунајтед да го именува Жозе Мурињо за нов менаџер и вели дека чека повик од „Специјалниот”...



Јамајканецот е голем фан на „Црвените Ѓаволи” па е задоволен од промените што се случија на Олд Трафорд ова лето.

Жозе Мурињо беше именуван за нов менаџер, а Португалецот веднаш почна да прави шампионски тим, ги ангажираше Златан Ибрахимовиќ. Ерик Бејли и Хенрих Мхитарјан, а на добар пат е да го донесе и Пол Погба.

„Среќен сум со изборот, Мурињо е победник” – вели Болт.

„Работи напорно за да донесе титули и тоа во овој момент му е потребно на Манчестер јунајтед”.

„Создава силен тим, очекувам да пристигнат нови звучни имиња па навистина сум возбуден”.

За можноста тој да потпише за Манчестер јунајтед, најбрзиот човек на планетата на шега рече: „Не сум добил повик од Мурињо, но знам дека ќе добијам. Мислам дека чека да заврши Олимпијадата”.

Извор: 24FUDBAL.com.mk