Англија | Откако им беше одбиена првата понуда, Арсенал подготвува нова, побогата за Александре Лаказет, но се очекува и таа да не биде доволна за купување на напаѓачот...



Според францускиот весник „Л'Екип“, Арсенал подготвува нова понуда и се надева дека ќе успее да го донесе Лаказет во своите редови.
 
И покрај тоа што не беше во составот на Франција за Европското првенство, Лаказет изгледа како одлична опција за Арсенал.
 
Арсенал се обиде до понуда од 35 милиони евра, но таа беше експресно одбиена од Лион.
 
Се верува дека следната понуда на Арсенал ќе биде 40 милиони евра, но голема е веројатноста и таа да биде одбиена.
 
На почетокот од преодниот рок Вест Хем понуди 48 милиони евра за Лаказет кои беа одбиени од Лион, па се верува дека 50 милиони евра е сумата која треба да ја плати Арсенал.
 
Има уште еден месец до крајот на преодниот рок и Венгер мора да пазарува, па се верува дека Арсенал ќе ја плати бараната сума на Лион за да го донесе Лаказет на Емирати.

Извор: 24FUDBAL.com.mk