Лига на Шампиони | Единсон Кавани го даде единствениот гол за ПСЖ на синоќешниот натпревар против Арсенал, но сите зборуваат за неговите промашувања...



Кавани беше во сенка на Ибрахимовиќ додека Златан беше главниот напаѓач на тимот од ПСЖ. По заминувањето на Швеѓанецот, дојдоа минутите на Кавани, но наместо да се докаже со голови, тој се срами со големи промашувања.

Кавани игра под своите можности и во француското првенство каде што ПСЖ нема добар старт, а каква е неговата форма покажа синоќа на дуелот со Арсенал.

Го постигна првиот гол, но по него дојдоа четири неверојатни промашувања. Еднаш промаши празен гол, потоа ја промаши топката, и два пати излезе еден на еден со голманот на Оспина, но голманот на Арсенал беше поуспешен.

Кавани има уште време да покаже дека ова е само негов лош период кој нема да трае долго, а доколку потрае, богатите газди на ПСЖ сигурно ќе најдат негова замена.

Извор: 24FUDBAL.com.mk