Англија | Кинезите за многу пари успеаа да донесат повеќе фудбалски ѕвезди, а сега сакаат своите милиони да ги трошат и на судии, прва цел им е Марк Клатенбург...



Кинезите трошат милиони и милиони за да направат атрактивна фудбалска лига и успеваат да примамат дел од играчите. Последен кој замина таму е Оскар, а наскоро треба да потпише и Тевез.

Но, „Мирор“ пишува дека тие отишле чекор понапред и следна цел им е ангажман на познати фудбалски судии.

Прва мета е најдобриот, Марк Клатенбург кој изминатава година го судеше финалето на ФА Купот, финалето на Лигата на шампионите и финалето на Европското првенство.

Во кинескиот фудбал како голем проблем се посочуваат скандалите со судење, наместени натпревар, па со ангажман на Клатенбург сакаат да свртат нов лист започнувајќи реформи и во овој дел од играта.

Доколку ја прифати понудата без сомнение Клатенбург ќе стане најплатениот фудбалски судија во светот.

Извор: 24FUDBAL.com.mk